Mbledhja e sotme e Këshillit të Lartë të Prokurorisë është shoqëruar me debate të forta midis anëtarëve të KLP dhe kryetarit Gent Ibrahimi.
Sot ishte parashikuar që të diskutohej në lidhje me SPAK (Strukturën e Posaçme Anti Korrupsion) por kjo mbledhje u shty sërish, tashmë për të disatën herë.
Sipas informacioneve anëtari Besnik Cani është ankuar në lidhje me materialet që i duheshin për mbledhjen e sotme, dhe është shprehur se i janë dorëzuar ditën e premte jashtë orarit zyrtar të punës dhe nuk ka mundur t’i shqyrtojë.
“Dokumentet e mbledhjes së sotme, m’u dorëzuan të premten jashtë orarit zyrtar. S’kam mundur dot që t’i shqyrtoj”,-është shprehur Cani, duke kërkuar shtyrjen e seancës.
Pas kësaj deklarate, kryetari i KLP, Gent Ibrahimi është larguar nga mbledhja, e cila është shtyrë për një ditë tjetër.
