LIGJET E BIZNESIT
Pas deklaratës së pedagoges së gazetarisë Iris Luarasi se ka ngelur në klasë 4 emra të njohur të ekranit në lëndën e saj, ka ardhur dhe reagimi i pedagogut dhe ekspertit të ekonomisë Ilir Ciko.
‘Në fakt do ju them katër emra të cilët tani i kam shumë miq por në kohën kur ishin studentë kanë mbetur në klasë. Janë: Arbana Osmani, Jonida Shehu, Erl Murati dhe Artan Hasani’, u shpreh Iris Luarasi gjatë emisionit “Shiko kush luan”.
I menjëhershëm ka qenë reagimi i Ilir Cikos duke thënë se me këtë deklaratë pedagogia ka cënuar privatësinë e të tjerëve dhe për këtë gjë duhen vendosur rregullla të reja.
REAGIMI I PLOTE I PEDAGOGUT ILIR CIKO
‘Nuk e kam kuptuar asnjëherë se si një person që e quan vehten pedagog mund të bëjë publike, madje me krenari e në emisione televizive, emra personash që i ka ngelur në lëndën e tij/saj, aq më tepër kur këta janë po aq, a në mos edhe më të njohur për publikun.
Kam 16 vite që kam përcjellë breza studentësh e në ato raste kur kam qenë i shtrënguar për të mos i kaluar, jam i sigurt që askush tjetër veç studentit dhe administratës së universitetit nuk është informuar për vlerësimin përkatës.
Nëse normat e etikës është vështirë të funksionojnë, besoj se duhen vendosur rregulla loje për të mos cënuar pa të drejtë privatësinë e të tjerëve’, ka shkruar pedagogu Ciko.
