‘Përgjaket’ autostrada ‘Ibrahim Rugova’, humbin jetën 2 persona nga Tirana, plagosen tre të tjerë (FOTO)

Një aksident i rëndë ka ndodhur ditën e sotme në autostradën “Ibrahim Rugova” në Kosovë.

Aksidenti ka ndodhur afër Peqanit (Suharekë).

Mësohet se një furgon i cili po udhëtonte nga Prishtina për në Tiranë është përplasur me një kamion.

Si pasojë e përplasjes kanë humbur jetën dy persona nga Tirana dhe janë plagosur tre të tjerë.

Tre të plagosurit janë dërguar me urgjencë në spitalin e Prizrenit dhe raportohet se njëri prej tyre është në gjendje të rëndë.