Përçarje mes demokratëve në Kuvend? reagon Rudina Hajdari: Në krye të grupit jam unë!

Pas lajmit që qarkulloi në media se nuk do të jetë më kryetare e Grupit Parlamentar Demokrat, ka ardhur dhe reagimi i Rudina Hajdarit.

Hajdari e ka përgënjeshtruar lajmin duke u shprehur se shkarkimi i saj nuk varet nga dëshira e disa individëve.

“Ju sigurojë se unë jam në krye të grupit Demokrat që ndërkohë po zgjerohet dhe forcohet edhe më shumë. Vendosmëria jonë për të çuar deri në fund reformimin e sistemit është detyrim ndaj çdo demokrati dhe opozitari që kërkon ndryshimin në Shqipëri. Shihemi te enjten!”, shkroi ajo në facebook.

Kujtojmë se më herët me anë të një postimi në Facebook, deputeti Korab Lita u shpreh se ka pranuar propozimin e disa deputetëve të Grupit Parlamentar Demokrat për t’i drejtuar në seancat plenare.