PD: Balla dhe Rama pjesë e skemës së përfitimit për shkatërrimin e pyjeve

Kreu i Departamentit të Pyjeve dhe Mjedisit në PD, Jamarbër Malltezi akuzoi sot kryeministrin Edi Rama dhe kreun e Grupit parlamentar të PS, Taulant Ballën, edhe si shkatërrues të pyjeve.

Në një deklaratë për shtyp Malltezi tha: “Një inspektim njëditor në pyjet dhe zonat e mbrojtura të Librazhdit, tregoi se ligji për Moratoriumin e Prerjes së Pyjeve ekziston vetëm në letër. Përtej propagandës dhe fasadës që tregon Edi Rama, e vërteta tregon se pyjet po shfarosen për qëllime tregtare në Librazhd, Kolonjë, Dibër dhe deri në Tiranë, siç ishte rasti i djeshëm në Laknas.

Moratoriumi e ndalon prerjen e pyjeve për qëllime fitime, – theksoi Malltezi, – por kushdo që paguan ryfshet mund të bëjë tregti lirshëm. Edi Rama dhe Taulant Balla po faktohen se janë pjesë e kësaj lakmie shkatërruese dhe antiligjore.