LIGJET E BIZNESIT
Analisti Baton Haxhiu e përjetoi keq humbjen e PDK-së në zgjedhjet e parakohshme të së dielës në Kosovë.
Pas kësaj, mbrëmjen e djeshme në një lidhje telefonike me emisionin “Top Talk”, Haxhiu i ka kërkuar kryeministrit të ardhshëm të Kosovës, Albin Kurti që t’i kërkojë falje Edi Ramës.
Arsyeja për këtë sipas analistit është lincimi publik që Kurti i ka bërë Ramës dhe ministrit të jashtëm në detyrë të Shqipërisë, Gent Cakaj.
Ndër të tjera Haxhiu ka renditur edhe kritika për Albin Kurtin.
“Kritika e parë që ishte dje në fjalimin e zotit Kurti ishte drejtuar qeverisë së Shqipërisë. Dhe për faktin se nuk ka ndodhur asnjëherë në logjikën politike dhe në qëndrimet publike, kjo mund të them është fillimi që Kosova dhe Shqipëria janë në një zonë politike”, u shpreh ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Haxhiu u pyet nga gazetari Denis Dyrnjaja nëse mendon që do ketë një ndryshim, për faktin se Kurti ka marrë një peshë politike si dhe nëse Rama duhet të shohë këndvështrimet e qëndrimit politik në raport me Kurtin.
“Unë mendoj që marrëdhëniet mes dy shteteve dhe mes dy kryeministrave nuk duhet të kishin qejfmbetje, por zoti Kurti do duhej të kërkonte falje për lançimin publik ndaj Ramës, e sidomos ndaj ministrit të Jashtëm, Cakaj; lançimin e pashembullt të një politikani dhe të një partie politke për të cilin ka lënë shije të keqe në marrëdhëniet jo vetëm njerëzore, por edhe në marrëdhëniet politike”, deklaroi analisti.
