Elton Macolli është personi që humbi jetën ditën e djeshme në një aksident të rëndë të ndodhur në rrugën Tiranë-Elbasan. Macolli ishte vëllai i deputetes socialiste Blerina Gjylameti.
37-vjeçari punonte si ushtarak në bazën ajrore të helikopterëve në Farkë. Ai humbi jetën pasi makina me të cilën udhëtonte u përfshi nga flakët pas përplasjes me një kamion, drejtuesi i të cilit është identifikuar si D.SH., 33-vjeç.
Kujtojmë se Macolli është personi i dytë që humb jetën në familjen e deputetes Gjylameti. Rreth një vit më parë ajo humbi edhe një prej motrave.
“Më thërmove zemrën në 1000 pjesë o Tonçe. Thonë që Zoti zgjedh më të mirët , por a nuk kishte marrë mjaftueshëm tek unë?”.
