Pas ‘Notre Dame’, digjet kështjella 500-vjeçare në Japoni, trashëgimi botërore e UNESCO (FOTOT)

Pas zjarrit në ‘Notre Dame de Paris’ që tronditi mbarë opinionin publik botëror, një tjetër pamje e trishtë vjen nga një prej ndërtesave më të vlerësuara në botë.

Janë sërish flakët e zjarrit ato që këtë rradhë kanë shkatërruar strukturën kryesore të kështjellës Shuri, në ishullin japonez Okinaëa.

Kjo kështjellë është ndërtuar 500 vjet përpara dhe bën pjesë në Trashëgiminë Kulturore të UNESCO-s.

Zjarrëfikësit u përballën me flakët për më shumë se 10 orë, shuarja e të cilavë zgjati deri pasditen e së enjtes. Deri më tani nuk është raportuar për të plagosur.

Kështjella prej druri, e ndërtuar 500 vite më parë, ishte thuajse plotësisht e shkatërruar gjatë luftës së dytë botërore.

Struktura e tanishme është rikonstruktuar në vitin 1992.

Kështjella shërbeu si godinë për universitetet më të mëdha publike deri në vitin 1970, dhe që atëherë ka qënë një pikë tërheqëse për turistët.

Është ende e paqartë se çfarë mund ta ketë shkaktuar zjarrin. Më shumë se 100 zjarrëfikës u thirrën në vendngjarje, por një oficer policie tha se zjarrëfikësit kishin hasur vështirësi në kontrollin e flakëve për shkak të erërave të forta.

“Shumë struktura prej druri dhe llaku (i riaplikuar) së fundmi mund të kenë pasur efekt, ” tha oficeri i paidentifikuar për gazetën Asahi Shimbun

Zjarri nisi në 02:40 me orën lokale të enjten (18:40 të mërkurën) dhe u shua rreth orës 13:30, por të shtatat ndërtesat kyçe të kështjellës janë djegur.

Kështjella Shuri, e cila dikur ishte selia e dinastisë Ryukyu, ndodhet në majë të një kodre me pamje nga qyteti Naha, kryeqyteti i Okinaëa, dhe është e rrethuar nga mure guri të lakuar.

Tani qyteti “do të bëjë gjithçka që ka në dorë” për t’u përballur me zjarrin dhe pasojat e tij, tha kryetari i qytetit për televizionin public NHK.

Sipas sajtit për turizmin të Okinaëa, kështjella u dogj tre herë gjatë dinastisë Ryukyu dhe u shkatërrua përsëri gjatë Luftës së Dytë Botërore gjatë betejës së Okinaëa.

Para se incidenti i të enjtes të ndodhtë, ajo ishte ndërtesa prej druri më e madhe në Okinaëa.

Kështjella ishte caktuar si një ndalesë për lojërat Olimpike që do të mbahen në Tokio gjatë vitit 2020.