Pas dështimit të hapjes së negociatave me Bashkimin Europian, kryeministri i Maqedonisë së Veriut Zoran Zaev ka ngrirë marrëveshjen e Prespës me Greqinë.
Zaev ka thënë për mediat greke se disa artikuj themelorë të marrëveshjes së nënshkruar me Greqinë në verën e vitit 2018 për zgjidhjen e një mosmarrëveshjeje për dekada të vjetra mbi emrin midis dy fqinjëve, janë të lidhura me përparimin e pranimit të vendit të tij në BE.
“Ka një lidhje mes zbatimit të marrëveshjes dhe fondeve në rastin e hapjes së negociatave. Lidhja ekziston sepse miqtë tanë grekë kanë pranuar që të bënim marrëveshjen e Prespës për shkak të së ardhmes që Maqedonia e Veriut ka në Bashkimin Europian. Por, në këto kushte, Marrëveshja nuk mund të realizohet. Një pjesë e saj do të pezullohet sepse nuk mund të implementohet. Ne do të përpiqemi të implementojmë disa dispozita të caktuara, por procesi është i ndërlidhur nga të dyja palët sepse shkëmbimi i fondeve do të thotë që ne t’i dorëzojmë Bashkimit Europian sovranitetin tonë kombëtar”, u shpreh Kryeministri i Maqedonisë së Veriut.
Zaev, i cili bëri thirrje për zgjedhje të parakohshme për muajin Prill pasi kandidatura e vendit të tij për anëtarësim në BE u bllokua në fillim të këtij muaji, kryesisht nga Franca.
Nëse radikalizmi dhe ringjallja e nacionalizmit u jepet tokë pjellore, kjo do të dëmtojë shumë Ballkanin. Dhe kur Ballkani ka një problem, Evropa ka një problem, “shtoi kryeministri.
