Parandalohet masakra brenda shkollës, shikoni si ja merr ky mësues armën nxënësit me një përqafim (VIDEO)

Një masakër është parandaluar nga një mësues hero në një gjimnaz në Shtetet e Bashkuara të Amerikës.

Mësuesi i lëndës së fiskulturës ka arritur të mbrojë pjesën tjetër të nxënësve, nga një nxënës i armatosur që u përpoq të hynte në ambjentet e klasës.

Ashtu sic duket edhe në video, mësuesi shihet që del nga klasa duke mbajtur në dorë armën e një nxënësi 19 vjeçar, të cilin ia kishte marrë sapo ky i fundit kishte hyrë brenda në klasë.

Mësuesi nëpërmjet një përqafimi mundohet ta qetësojë nxënësin i cili duket se është mjaft i ngarkuar nga ana psikologjike.

Një anëtar i stafit të gjimnazit ia merr armën nga dora e mësuesit.

Më pas në video shihen nxënësit që dalin të tmerruar nga klasat si dhe 19-vjecari që fut armën fshehurazi në shkollë.

Sipas policisë 19 vjeçari vuante nga një krizë emocionale.

Përpara trupit gjykues ai e pranoi akuzën për armëmbajtje pa leje.

Kujtojmë se nuk është hera e parë që në shkollat e SHBA ndodhin skena të tilla ku jo në pak raste shënohen dhe viktima.