Panik në Tiranë/ Alarm për bombë në ambasadën çeke

Qyteti i Tiranës është përfshirë nga paniku pas një telefonate për një bombë. Telefonuesi thotë për Policinë e Tiranës  se në ambasadën çeke është vendosur një bombë.

Me të marrë telefonatën, policia ka shkuar në zonë me qen anti-eksploziv dhe forca xheniere, duke kryer kontrolle, por deri më tani nuk është konstatuar asgjë e dyshimtë.

Ndërkohë, blutë e Tiranës vijojnë kontrollin brenda dhe jashtë institucionit diplomatik çek, por dyshohet që është një telefonatë e rreme, pasi thirrja është bërë nga një numër privat. Nga ana e saj, policia po punon për identifikimin dhe kapjen e personit që ka bërë telefonatën.