Panik në Durrës, breshëri plumbash drejt makinës së 29-vjeçarit

Të shtëna me armë zjarri janë regjistruar gjatë natës së djeshme në lagjen nr.4 në Durrës.

Sipas informacionit të policisë është qëlluar me armë zjarri ndaj një makinë që ishte e parkuar por fatmirësisht nuk ka patur persona brenda.

Mjeti është në pronësi të shtetasit I.B 29 vjeç, banues në Durrës.

NJOFTIMI ZYRTAR I POLICISE

Më datë 15.10.2019, rreth orës 00:45, në lagjen nr.4 Durrës është qëlluar me armë zjarri tip pistoletë mjeti tip “Volswagen”, i parkuar, në pronësi të shtetasit I.B., 29 vjeç, banues në Durrës.

Grupi hetimor po punon për sqarimin e rrethanave të ngjarjes., identifikimin dhe kapjen e autorit. Materialet u referuan ne Prokurorinë e Rrethit Gjyqësor Durrës për veprime të mëtejshme.