Nuk përmbahet Rama, i vë grada vetes: Po të më kishit mua para 30 vitesh do flisnit ndryshe

Në vijim të fjalës së tij përpara Kuvendit Edi Rama teksa po fliste për Reformën në Drejtësi, është shprehur me krenari se po të ishte ai në detyrë si kryeministër përpara 30 vitesh gjërat do ishin ndryshe.

Më pas ai ka shtuar se të gjithë do të shohin ndryshimin pas disa vitesh që të gjitha ato që ka deklaruar për këtë reformë në të ardhmen do të jenë fakt.

“Vetingu nuk është pushim nga puna, është pastrim i sistemit, krijimi i një sistemi ku gjykatës e prokurorë janë të verifikuar si të pastër e pastaj sistemi do ti thërrasë do t’i vijë radha, hajde këtu, këto vilat e këto faturat e bixhozit në monte karlo me ca i bërë zotërore.

Tani ata janë qytetarë të lirë,

Prokurori në Durrës që është prokuror dhe punon për organizatat kriminale dhe u bën shantazh nëpunësve të shtetit, mësoje që nuk arreston kryeministri dhe qeveria, por drejtësia dhe procesi i ndërtimit të një drejtësie që arreston është ky që po bëjmë.

Po të më kishit mua para 30 vjetësh do flisnit ndryshe, e do flasim ndryshe pas disa vjetësh kur të shikoni që këto që po ju them do jenë fakt”, u shpreh kryeministri.