Mjekët dhe infermierët janë duke ikur çdo ditë e më shumë nga Shqipëria. Duket se është Gjermania vendi që po “thith” shqiptarët e kësaj fushe, ndërsa mungesa e tyre vihet re në zonat larg Tiranës.
Mungesa e doktorit, i ka detyruar disa banorë të fshatit Rakickë në Devoll të kthehen në mjekë për bashkëfshatarët. Ata thonë se injeksionet dhe trajtimet e tjera ia bëjnë njeri-tjetrit, duke rrezikuar kështu edhe më shumë shëndetin. Ndërsa për urgjenca u duhet të udhëtojnë rreth 30 km drejt Bilishtit.
Disa prej tyre, prej hallit siç thonë banorët, u bëjnë gjilpërat apo mjekimet të sëmurëve.
Qendra shëndetësore e fshatit, siç duket është në gjendje të mirë, por sipas banorëve mjek e infermier nuk ka prej gati tre vitesh.
