Nis hetimi për ish-drejtorin e ALUIZNI-t, ja përse akuzohet (EMRI)

Ish-drejtori i ALUIZNI-t në Elbasan, Andon Lapa është vënë nën hetim nga Specialistët e Krimit Ekonomik.

Lapa akuzohet se në vitin 2015 ka dhënë lejen e legalizimit për një banesë në mënyrë të paligjshme.

Mbi të rëndojnë veprat penale “Falsifikim i vulave, stampave ose formularëve” dhe “Shpërdorim detyre”.

NJOFTIMI ZYRTAR I POLICISE

Shtetasi  A.L., 36 vjeç, banues në Sarandë , me detyrë ish- Drejtor i Aluiznit në Elbasan, procedohet per veprat penale, “Falsifikimi i vulave , i stampave ose i formularëve” dhe ” Shpërdorimi i detyrës”, pasi ky shtetas në vitin 2015 ka dhënë leje legalizimi për një banesë në kundërshtim me ligjin.

Gjithashtu është proceduar edhe shtetasi G.B., 33 vjeç, banues në Elbasan, për veprat penale ” Fshehja të ardhurave” dhe “Punësimi i paligjshëm”, pasi në aktivitetin e tij privat punonte pa dokumentacionin përkatës. Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.