Ngjarje shokuese, gjyshi përdhunon 3-vjeçaren, babai e vret me hanxhar

Një ngjarje e tmerrshme ka ndodhur në Oran, në zonën veriperëndimore të Argjentinës.

Mësohet se një vajzë vetëm 3 vjeç është përdhunuar nga gjyshi.

Kur i ati i vogëlushes mësoi ngjarjen e rëndë, u konfliktua me të moshuarin duke e qëlluar me hanxhar, ku pas goditjes ky i fundit ndërroi jetë në spital.

Ngjarja që shokoi opinionin publik ndodhi të shtunën e kaluar.

Sipas mediave vendase, babai i të miturës e gjeti të bijën në gjendje shoku duke qarë.

Vogëlushja e tmerruar i kishte treguar të atit pjesët intime, ku shiheshin qartësisht dëmtime dhe të nxira.

Kur i ati e pyeti se kush ia kishte bërë, ajo i tha emrin e gjyshit rreth 70 vjeç.

Kjo gjë shkaktoi irritimin e 26-vjeçarit, i cili u përlesh fizikisht me të atin, por i moshuari duke tentuar të mbrohej, rrëmbeu një hanxhar dhe e plagosi në krahë djalin.

Por ky i fundit arriti që t’ia marrë mjetin prerës të atit, duke e qëlluar furishëm në fyt, çka bëri që i moshuari të gjejë vdekjen.