Ngjarje e rëndë/ Bie në kontakt me rrymën elektrike, humb jetën e moshuara

Një ngjarje e rëndë është shënuar sonte në Sarandë. Një grua e ka zënë korrenti dhe për rrjedhojë ka ndërruar jetë.

Ngjarja ndodhi në zonën e quajtur “Lugu i Dardhës”. Gruaja që ka ndërruar jetë quhet Alije Nika nga Memaliaj. Nga kontakti me korrentin ka ngordhur edhe qeni i saj.

Policia është në vendngjarje. Është stakuar energjia elektrike në rrugën e 5-të qytetit dhe në një zonë rreth vendit të ngjarjes. Viktima është rreth 70 vjeçe. Fëmijët i kishte në emigracion. Ajo po gatuante për darkë dhe ka gjasa që ka bërë masë energjia.