Një thirrje e fortë vjen nga gazetari shqiptar i programit investigativ “Le Iene” në Itali, Taulant Kopliku.
Nëpërmjet një postimi në rrjetet sociale Kopliku shprehet se shumë shqiptarë po rrezikojnë jetën nga sulmet ushtarake të Turqisë kundër Sirisë.
Gazetari ngre alarmin duke thënë se konkretisht rretikohet jeta e 30 grave dhe fëmijëve shqiptarë, të cilët ndodhen në kampin e “Al Hol”, ku janë të izoluar mbi 70 mijë persona, pjesa më e madhe gra dhe fëmijë të terroristëve të ISIS.
POSTIMI I GAZETARIT TAULANT KOPLIKU
“KJO ESHTE NJE LUTJE ZEMRE PER TE GJITHE MIQTE KOLEGET GAZETARE NE MEDIAT SHQIPTARE. Sapo mora informacionet e fundit nga Mohamed, fixeri kurd qe na shoqeroi dy jave me pare ne kampin e Al Hol, ku jane te izoluar permbi 70 mije persona, shumica gra dhe femije te terroristeve te ISIS. Aktualisht ushtria turke dhe mercenaret ekstremiste te celulave te Al Q.aeda jane kudo ne territorin e Rojavas. Ai ka arritur te largohet ne kohe nga atje, duke u strehuar ne Erbil te Irakut. Sipas tij, kampi eshte ne kaos te plote. Perplasje mes grupesh, djegie masive tendash dhe tentativa per tu arratisur duke shkaterruar rrethimin. Sipas tij ka dhe dhjetera viktima.
Ne brendesi te kampit jane rreth 30 femije e po aq gra shqiptare. Keta femije jane fajtore vetem se gjenden ne vendin e gabuar ne momentin e gabuar.
Disa nga burgjet e terroristeve te IS.IS jane shtene ne dore nga mercenaret e Erdogan dhe me gjasa, ish- te burgosurit do te jene te paret qe do dynden ne kamp per te rimarre grate dhe femijet e Kalifatit, mes tyre edhe ata shqiptare. Ne keto kushte, nese heren e pare per fatin e tyre vendosen baballaret e papergjegjshem, sot pergjegjesia eshte edhe e autoriteteve shqiptare te cilat ne me shume se nje vit, nuk levizen as gishtin per te sjelle ne shtepi femijet shqiptare. Ju te dashur kolege keni ne dore te beni ate qe dini me mire. Te informoni shqiptaret dhe te vendosni perpara pergjegjesise shtetin shqiptar. Le te bejme bashkarisht nje perpjekje per te terhequr keta femije nga ferri i nje lufte te re. Çdo dite qe kalon eshte nje mundesi me pak.“, përfundon postimin e tij gazetari, Taulant Kopliku.
