Mustafa Nano e ‘gozhdon’ me pyetjen e tij, Rama përgjigjet: As më ka shkuar ndonjëherë në mendje

Dje në mbrëmje kryeministri Edi Rama ishte i ftuar në emisionin “Opinion” , përballë gazetarëve ku tema më e lakuar ishte dështimi me hapjen e negociatave me Bashkimin Europian dhe kriza politike që po kalon vendi.

Gjatë debatit, analisti Mustafa Nano i ka drejtuar një pyetje Ramës, nëse do ishte më mirë nëse nuk do të ishte në krye të qeverisë.

Mirëpo Rama e ka gjetur menjëherë përgjigjen duke thënë se nuk e kishte menduar asnjëherë këtë gjë.

Pjesë nga debati:

Mustafa Nano: Kam një pyetje shumë të thjesht dhe po e bëj këmba mbi këmbë zt.Kryeministër. Ju ka shkuar ndonjëherë në mendje se po të mos jeni ju kryeministër, vendi do të bëhet më mirë?

Edi Rama: Sikur të më shkojë në mendje kjo, unë menjëherë largohem, por kjo nuk më ka shkuar ndonjëherë në mendje të jem i sinqertë.

Mark Marku: Dhe as nuk do të shkojë kështu që duhet të gjejmë formën se si të largohesh se kështu do shkojë pafund.

Edi Rama: Mos kërkoni forma për të më larguar mua sepse aq më shumë do më keni këtu.

Mark Marku: Nuk mendoj se ka ndonjë gjë anormale të kërkosh largimin e kryeministrin në një demokraci.