Mbrëmjen e djeshme përfaqësuesja e lartë e Bashkimit Europian, Federica Mogherini është takuar me lidërët e vendeve të Ballkanit.
Kryeministri Edi Rama nuk ishte i pranishëm pasi anuloi vizitën.
Në videon e publikuar nga presidenca malazeze, shihet se si liderët gjatë takimit përshendesin njëri-tjetrin me shtrëngime duarsh.
Presidenti i Kosovës Hashim Thaçi i shtrëngon dorën edhe kryetarit të Republikës Serbe të Bosnjës, Millorad Dodik, të cilin më parë e kishte injoruar.
Por përveç kësaj Federica Mogherini gjatë takimit puth Thaçin në dy faqe, ndërsa të pranishmëve të tjerë u jep vetëm dorën.
Në atë moment ndërhyn Aleksandar Vuçiç dhe thotë: “Hashim, Federica më së shumti ka dëshirë të puthet me ty”, kurse Thaçi nuk dëgjohet ta komentojë atë në këtë rast, por Vuçiç vazhdon: “Shikoni se si bëhet sikur nuk merr vesh serbisht, por di shumë mirë”. Menjëherë Thaçi fillon të qeshë.
