Ditën e sotme ministrja e Drejtësisë Etilda Gjonaj ka zhvilluar një takim me dy deputetët gjermanë të Bundestagut, të cilët janë pjesë e partisë Social-Demokrate Gjermane (SPD), Christian Petry dhe Metin Hakverdi.
Më pas në një postim, ministrja Gjonaj ka nxjerrë disa foto në Tëitter ku pasqyrohet takimi mes tyre, por mesa duket gabimisht është postuar dhe një fotografi ku tregohen një palë shapka dhe këmbët e dy njerëzve.
Me shumë mundësi fotografia është postuar gabimisht por ka tërhequr vëmendjen e shumë ndjekësve.
Gjonaj ka vlerësuar ndër të tjera mbështetjen e parlamentit gjerman në të gjithë hapat e rëndësishëm të Shqipërisë drejt integrimit.
POSTIMI I MINISTRES ETILDA GJONAJ
Në takimin me dy nga miqtë tanë gjermanë, anëtarë të Bundestagut dhe të SPD
Ishte kënaqësi të dëgjoja vlerësimin dhe mbështetjen e dy deputetëve të Parlamentit të Bundestagut për punën tonë, duke siguruar mbështetjen gjermane në të gjitha hapat e rëndësishëm drejt integrimit.
