“Më ndoqën me makinë” Rozana Radi tregon historinë e frikshme që e detyroi të linte koncertet: Më la pasoja për jetën

Këngëtarja dhe moderatorja e njohur Rozana Radi prej disa vitesh tashmë nuk merr pjesë në koncerte muzikore.

Por pas këtij vendimi jo të lehtë patjetër që fshihet një arsye e fortë.

Dhe këtë arsye ajo e ka zbuluar në një intervistë për emisionin “Glamour Zone” në RTV ORA.

Radi tregon episodin e frikshëm që i ka ndodhur dhe si për pasojë ka qenë e detyruar që të merrte këtë vendim.

“Nuk dua të prek asnjeri por janë disa fansa që kanë dëshirë të jenë non stop me mua dhe e kam kohën shumë të limituar. Një ndër arsyet që e kam ndërprerë muzikën dhe nuk shkoj më nëpër koncerte është dhe arsyeja e fansave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Unë e kam lënë pas një koncerti në Vlorë, në të cilën ishin mbledhur disa fansa të mi. Pasi bëra foto, i përshëndeta, ndejta me to, u nisa drejt Tiranës dhe e kisha të pamundur sepse filluan të më gjëmonin mbrapa me makinë dhe më krijoi një si tip paniku.

Atë natë, ne kemi qenë tre vajza. Ishin dy shoqet e mia që më shoqëronin dhe unë, e u bë pak e tepërt, krijoi panik gjëja. Kjo më ka krijuar një gjë jo të mirë dhe më ka lënë pasojë në jetën time”, është shprehur Rozana.