LIGJET E BIZNESIT
Ditën e sotme Prokuria ka thirrur sërish Marsida Qatjan, 30 vjeçaren nga Kavaja, në shtëpinë e së cilës u vra disa javë më parë Dritan Haxholli, nga polici I burgjeve Bledar Toçi, i cili mbeti dhe vetë i plagosur gjatë shkëmbimit të zjarrit.
Kujtojmë se Qatja në një intervistë të dhënë së fundmi, deklaroi se ngjarja ka ndodhur për prishje të pazareve të drogës.
Në një intervistë për Tirananews.al, Marsida Qatja thotë se disa individë i kanë dhënë një shumë prej 20 milionë lekësh, në shenjë dëmshpërblimi për problemin që i kanë shkaktuar dhe në formë mirënjohjeje për faktin që ajo ka folur ashtu deri më tani.
Marsida thotë se, me gjithë këtë ngjarje ajo ka marrëdhënie shumë të mira me bashkëshortin, i cili ndodhet në burg në Gjermani pikërisht për trafik droge.
Marsida sqaron se megjithëse ajo ka marrë një mase sigurie “Detyrim paraqitje”, nga gjykata, ajo është e lirë të udhëtojë dhe se nëntori do të jetë një muaj me udhëtime, ku fillimisht do të shkojë në Gjermani, ku do të kërkojë një takim më bashkëshortin e saj në burg.
