MAK.ABRE/ Hidhet nga fugoni në ecje trupi i pajetë i një burri

Ndryshon rrjedhë ngjarja e rëndë që ndodhi mbrëmjen e sotme në hyrje të Portit të Durrësit, ku një person i seksit mashkull u gjend i vdekur në rrugë.  Edhe pse fillimisht ngjarja u trajtua si aksident, dëshmitë  e mëvonshme shkojnë në drejtim tjetër.

Video ekskluzive e siguruar nga A2 CNN tregon se viktima është hedhur nga një fugon në lëvizje. Sipas pamjeve, personi i pajetë hidhet në mes të rrethrrotullimit nga një fugon në ecje. Sapo mjeti futet në rrethrrotullim ngadalëson shpejtësinë dhe më pas prej del trupi i pajetë, ndërkohë më pas vazhdon rrugën në drejtim të Portit.
Policia ka mbërritur menjëherë në vendin e ngjarjes dhe ka nisur punën për zbardhjen e saj dhe për identifikimin e viktimës.