Lë librat në dyqan dhe zhduket pa gjurmë, gjimnazisti nga Klosi alarmon familjen (EMRI)

Një ngjarje e rëndë ka ndodhur në Klos, ku një gjimnazist është zhdukur pa gjurmë që dje në kohën që është nisur për në mësim.

Mësohet se ai është Flogert Terziu, i cili sapo ka lënë librat në një dyqan është larguar pa adresë.

Pas kësaj familjarët të alarmuar kanë bërë denoncimin në polici por nuk ka ende asnjë gjurmë nga Flogerti.

I ati tregon se Flogerti i ka dërguar dhe një mesazh duke iu thënë që mos ta kërkojnë.

“Nga ora 12 e gjysmë që është nisur për shkollë dhe nuk është kthyer më. Kontaktova me mësuesin kujdestar dhe nuk kishte shkuar fare në shkollë, librat i kishte lënë në një dyqan aty. Nuk kemi pasur asnjë problem, mendje adoleshenti nuk e di. Bëmë denoncimin në polici, nuk ka shkuar te asnjë nga të afërmit. Më ka dërguar mesazh dhe më ka thënë ‘’babi mos më kërko më, jam në Tiranë, në Durrës” është shprehur i shqetësuar babai i Flogert Kryeziut.