Askush nuk e priste por nesër moti do të shënojë një kthesë të papritur dhe ditëve me diell do t’i vijë fundi.
Sipas parashikimit të Shërbimit Meteorologjik ditën e nesërme moti do të nisë i vranët dhe gradualisht prej mesditës, në pjesën më të madhe të vendit do të nisin kthjellimet, përjashtuar jugun.
Reshjet e shiut fillimisht do të përfshijnë pjesën më të madhe të vendit, por prej mesditës do të përqendrohen në jug, aty ku nuk do të mungojnë shtrëngatat e shiut.
Era do të fryjë me drejtim Juglindje – Veriperëndim e lehtë e përkohësisht mesatare në bregdet, duke u shoqëruar me valëzim në dete të forcës 3-4 ballë.
Temperaturat parashikohen në:
zonat malore 5ºC deri në 15ºC
zonat e ulëta 8ºC deri në 22ºC
zonat bregdetare 12ºC deri në 21ºC
