Ditën e djeshme deputetja Majlinda Halilaj, e cila ka zëvendësuar Lulzim Bashën në rradhët e Partisë Demokratike pas djegies së mandatit, i ka lënë të gjithë me gojë hapur gjatë fjalimit të saj në Kuvend.
Halilaj nuk arriti të lexonte dot saktë pothuajse asnjë fjalë nga ato që kishte shkruar në letër, fakt ky që shokoi opinionin publik që e dëgjonte për herë të parë deputeten.
Por menjëherë pas kësaj ajo ka reaguar me anë të një postimi në rrjetet sociale, të cilin e ka fshirë vetëm disa orë më vonë.
Sipas saj gabimet janë për njerëzit dhe askush nuk është perfekt.
Por edhe në reagimin e saj bien në sy gabimet drejtshkrimore të cilat nuk mungojnë edhe pse nuk ndodhet në foltoren e parlamentit.
“Gabimet janë për njerëzit çdo kush gabon nuk është perfekt, por çdo gabim ka një arsye, nuk gjykohet njëri nga gabimet por nga mendimet që ka. Sot për arsye shëndetësore të problemit me syrin nuk isha e qartë për publikun”, ka shkruar deputetja.
Të jenë gabime nga padija apo nga emocioni?!
