Kujtim Gjuzi përplaset keq me Olsi Ramën: Ti si familje kryeministrore duhet të kesh përgjegjësi

Pas përleshjes së dhunshme që ndodhi pak ditë më parë në derbin kryeqytetas Tirana- Partizani, ku tifozë të dyja ekipeve shkëmbyen shkelma dhe grushta me njëri-tjetrin, ka reaguar edhe deputeti Kujtim Gjuzi.

I ftuar në emisionin “Procesi Sportiv”, Gjuzi iu kundërvu në studio drejtorit të Përgjithshëm të Partizanit, Olsi Rama, i cili është dhe vëllai i kryeministrit Edi Rama.

“Je familje kryeministrore, ndaj ke përgjegjësi për dhunën në stadium!”, u shpreh Gjuzi. Olsi Rama iu përgjigj duke thënë se nuk gjen asnjë justifikim për çfarë ndodhi, por sipas tij, ekipi organizator ka të drejtën për marrjen e masave, në rastet kur është ekip pritës.

“Nuk është aspak e bukur. Dekori ishte i papranueshëm.”, tha ai.

Gjuzi ndërhyri sërish duke përfshirë edhe politikën në mes, teksa u shpreh se “partizanët i kanë eleminuar fizikisht gjyshin.”