Kujdes! Këto janë 4 gabimet në dush që krijojnë ekzemën

Ekzema, është një ndër sëmundjet më të zakonshme të lëkurës, pohojnë dermatologët. Ndërsa, me kalimin e viteve, gjëndrat e yndyrës nën lëkurë fillojnë ngadalësimin e procesit të sebumit e cila rezulton në tharje të lëkurës.

Por, disa prej gabimeve tona të përditshmërisë, avancojnë procesin e tharjes së lëkurës duke rritur rrezikun për t’u prekur nga problemet dermatologjike.

Më poshtë, po ju listojmë disa nga gabimet që duhet të shmangni gjatë dushit.

Temperatura shumë e nxehtë e ujit

Për shumicën e njerëzve, dushet e nxehta janë terapeutike pasi ndihmojnë në relaksim e muskujve. Sidoqoftë, ekspertët thonë se uji i nxehtë mund të thajë yndyrën natyrale të lëkurës tuaj dhe madje promovon qarkullimin e dobët të gjakut.

Dushet e gjata

Sipas dermatologëve, nuk duhet të kalojmë më tepër se 10 minuta në dush. Përdorimi me tepri i produkteve si shampo, balsam, skrabe etj, uji i nxehtë thajnë lëkurën më shumë nga se duhet.

Eksfolimi i përditshëm

Eksfolimi i lëkurës është një proces i domosdoshëm sepse eliminon qelizat. Sidoqoftë, eksfolimi i përditshëm mund të çojë në dëmtim të lëkurës! Qoftë kimik (me acide) apo fizik (scrubi tipik me sheqer e vaj ulliri) eksoflimi i tepërt irriton lëkurën.

Shkumoni çdo pjesë të trupit

Për shumicën e njerëzve, kjo mund të tingëllojë çuditshëm, sepse është e vështirë ta konceptosh një dush pa shumë shkumë dhe avull, aq sa mos të shohësh nga sytë.  Sapuni e shampot janë krijuar për të pastruar trupin nga papastërtitë, por eliminojnë dhe yndyrën e trupit. Sipas dermatologëve të shkumosh krahët dhe këmbët është një ide e keqe, sepse gjymtyrët nuk kanë yndyrë të mjaftueshme, dhe nëse ju përdorni produkte të ashpra me kimikate, mund të çojnë në tharjen e lëkurës.