Ajo është një nga këngëtaret më të famshme dhe më të adhuruara nga publiku në mbarë botën.
Bëhet fjalë për yllin Australian të muzikës Pop, këngëtaren dhe kompozitoren Sia.
Së fundmi ajo ka zbuluar se vuan nga një sëmundje neurologjike, e cila i shkakton dhimbje kronike.
Lajmin e ka bërë të ditur vetë Sia nëpërmjet një postimi në Twitter, ku ka shkruar se ka sindromën e Ehlers-Danlos (EDS) një gjendje e rrallë që shkakton dhimbje në nyje dhe lodhje ekstreme.
Sia, tashmë 43 vjeç, është e njohur për faktin se gjithnjë ka preferuar ta mbajë larg syve të publikut jetën private dhe zakonisht edhe nëpër videoklipe fsheh fytyrën poshtë parukeve.
Në postimin e saj ajo ka shkruar: “Doja vetëm t’i thoja atyre që vuajnë nga dhimbja, qoftë ajo fizike apo emocionale, se ju dua dhe vazhdoni të ecni përpara. Dhimbja është demoralizuese dhe ju nuk jeni vetëm”.
Ajo ka patur një varg hitesh solo, si dhe ka shkruar këngë për këngëtare të famshme si Rihanna, Beyonce, Katy Perry dhe Adele.
