Moderatori Ardit Gjebrea është përfshirë në një debat të ashpër me ndjekësit e tij, dhe shkak për këtë janë bërë këngët konkurrente në festivalin “Kënga Magjike”.
Ashtu si pas çdo puntate të prezantimit të pjesëmarrësve të “Këngës Magjike”, edhe mbrëmjen e djeshme moderatori ka ndarë disa foto me artistët, të cilët i quan Big.
Dy ndjekës e kanë kritikuar për pjesëmarrjen e këngëtares spanjolle “Mar Shine”, konkurrimin e të cilës e quajnë të padrejtë dhe në shkelje me rregulloren e festivalit. Por kjo nuk u prit mirë nga Arditi, ndërsa ndjekësit e kanë akuzuar më tej se juria dhe pjesëmarrësit futen me mik.
Debati:
Ndjekësi 1: Mua nuk me pelqen fare kjo ideja e te sjellurit kenge te huaja ne kenga magjike! Nuk duhet te vihen ne gare artistet shqiptare me ato te huaj, sepse artistet shqiptare nuk i kane mundesite siq i ka nje artist i huaj!
Nje nder rregullat e kategorise Big , eshte qe artisti duhet te kete mbi 10.000.000 klikime ne YouTube qe te quhet Big. Artistja nga spanja nuk i ka! Kompeticionet ku ajo ka marre pjese, nuk permenden ne rregulloren e KM qe te quhet BIG!
Pse eshte BIG? Ju vete personalisht keni thene se KM i sherben muzikes shqiptare! Nje mision te tille nuk e shoh me!
Nuk merr fame KM neper bote, nga kengetare te huaj qe skane bere emer ne vendin e tyre! Me vjen keq qe KM po prishet dhe po humbet interesin e artisteve shqiptare qe me te vertet jane BIG! Suksese gjithsesi!!
Gjebrea: Është vetëm java e 4t, ka edhe 7 të tjera deri në natën finale, ndërkohë që si mund të nxjerrësh konkluzione për artistët shqiptarë kur ti nuk e di ende se kush do jetë?
Për më tepër ti mendon që unë do prish krijesën që dua më së shumti??? Sorry por qetësohu pak dhe nëse nuk të pëlqen idea e këngëve të huaja në Festival, duhet të kuptosh që tashmë është një realitet.
Ashtu siç më duket e çuditshme të shkruash që artistët shqiptarë nuk i kanë kushtet e artistëve të huaj…. Ky kompleks iferioriteti më duket i tejkaluar tashmë në të gjitja drejtimetSa për artisten spanjolle, mjafton ta dëgjosh live dhe e kupton pse është Big, pa folur për trofetë e saj…
Ndjekësi 2: Kënga magjike kto 2-3 vjetët e fundit është katastrofë , në juri dhe pjesmarrsit si këngëtarë futen me shoqëri ose miqsi.
Prandaj dhe kemi dhe një tregë muzikor shumë të varfër, ku këngëtarët tonë nuk njihen as në shtet fqinje. Pra me pak fjalë është ba si teatêr kukullash, ku më shumë i jepet rëndesi fustani ose luku i pjesmarrses , sesa kënga.
