“Ju lutem merrni masa” Ligoraq Karamelo zbulon se kush e kërcënoi Rudina Hajdarin

Ditën e sotme gjatë seancës së parlamentit deputetja Rudina Hajdari i ka habitur të gjithë duke thënë se e kanë kërcënuar në Kuvend por nuk tha asnjë emër se kush ishte autori.

Burime për Report Tv bëjnë me dije se personi që kërcënoi Hajdarin është deputeti Korab Lita.

Këtë fakt e zbuloi Ligoraq Karamelo duke u shprehur se pas kërcënimit të Rudina Hajdarit qëndron Korab Lita.

“Po, e ka kërcënuar Korab Lita” është shprehur Karamelo për Report Tv. Denoncimin dhe akuzat mbi Litën, Rudina Hajdari i bëri që në 15 Tetor, ku tha se ka edhe pamje të cilat do i dërgojë në prokurori.

I pyetur nga gazetarët në lidhje me këtë fakt, Korab Lita u shpreh se nuk mban asnjë përgjegjësi për këtë.

“Nuk mbaj përgjegjësi për kërcënimin ndaj Hajdarit. Ne jemi kolegë. Nuk kam pasur informacion që Hajdari është kërcënuar. Njësoj si Hajdari mund të jem kërcënuar edhe unë.”, është shprehur Korab Lita.