“JO”/ Kukan reagon ashpër ndaj Macron: Sabotator i heshtur, i indinjuar…

Teksa Shqipëria dhe Maqedonia e Veriut morën një “JO” nga KE, ish-deputeti i Parlamentit Europian Eduard Kukan reagon ashpër.

Kukan, përmes një postimi në rrjetin social Facebook, ka sulmuar presidentin francez Emannuel Macron lidhur me qëndrimin e tij karshi dy vendeve, duke e cilësuar si sabotator të heshtur.

Ndërkohë, më tej Kukan thekson se ky vendim, për të cilin thotë se ndihet i neveritur dhe i indinjuar në të njëjtën kohë, është një gjest degradues drejt këtij rajoni strategjik për interesat globale të BE-së.

Reagimi i Eduard Kukan:

Jam shumë i neveritur dhe i indinjuar nga pozicioni i Francës në samitin e BE-së, i cili ka çuar në shtyrjen e mëtejshme të procesit të zgjerimit të BE-së. Unë e kam ditur se Presidenti Francez Macron kishte luajtur rolin e një sabotatori të heshtur për një kohë të gjatë. Sidoqoftë, nuk besoja se ata kishin përdorur një mashtrim të tillë për Maqedoninë e Veriut dhe Shqipërinë kur u mor zyrtarisht vendimi dritëshkurtër dhe i papërgjegjshëm.
Megjithatë, pjesa tjetër e besueshmërisë që kemi akoma atje (Tek BE) do të humbasë në të gjithë Ballkanin Perëndimor. Ky është një gjest degradues drejt këtij rajoni strategjik për interesat globale të BE-së. Do të dëshiroja t’u bëj thirrje partnerëve tanë të Ballkanit Perëndimor që të mos jenë të neveritur. Edhe pse e kuptoj plotësisht se sa e vështirë është. Në BE, ata kanë një shumicë miqsh dhe politikanë seriozë që do të vazhdojnë të punojnë me ta intensivisht për të arritur ambiciet e tyre evropiane. Do të dëshiroja t’u bëj thirrje atyre që të dëshmojnë në përparimin e tyre të ardhshëm evropian se ata kujdesen më shumë për krijimin e një Evrope të tërë dhe të bashkuar sesa ata që e komplikojnë veten sot.