Jep dorëheqjen kryetarja e Gjykatës së Durrësit, zbulohet arsyeja

Kryetarja e Gjykatës së Durrësit Joana Qeleshi ka dhënë dorëheqjen.

Mësohet se Qeleshi ka paraqitur dorëheqjen pranë Këshillit të Lartë Gjyqësor.

KLGJ e ka pranuar kërkesën e magjistrates, e  cila drejton prej vitesh Gjykatën e Durrësit.

Motivacioni për këtë vendim lidhet me një tjetër sfidë që ka zgjedhur Qeleshi, ai i sektorit privat.

“Pavarësisht pasionit tim për profesionin e gjyqtarit, duke qenë se më është ofruar një mundësi profesionale me preferencën dhe ekspertizën time në fushën e Shoqërive Tregtare, kam vendosur të ndjek një stad të ri në karrierën time, duke iu përkushtuar sektorit privat. Mundësia që më është ofruar në këtë sektor në pozicionin e Drejtores Juridike pranë Spitalit Amerikan, paraqitet si sfidë e re profesionale për mua”, shkruan Qeleshi tek letra e dorëheqjes.