Kryeministri Edi Rama dhe ish-oficeri i antidrogës në Fier Dritan Zagani, i cili ndodhet prej kohësh jashtë vendit në azil politik, kanë pasur sërish një përplasje me njëri-tjetrin.
Debati është postuar nga ish-kryeministri Sali Berisha në rrjetet sociale.
“Një dhuratë e bukur e Dritan Zaganit për Edvin Mafinë. Shikoni dhuratën dhe lexoni mesazhet që kanë shkëmbyer njeri me tjetrin.”, shkruan Berisha.
Berisha ka publikuar mesazhin që Zagani i ka dërguar Ramës në telefon, ku bëhet fjalë për një lajm të shoqëruar nga video për drogën në Shqipëri me titullin “Narcotica”.
Por nga ana tjetër Rama nuk e ka pritur aspak mirë këtë mesazh dhe i është përgjigjur me tone të ashpra dhe me fjalë aspak të hijshme për një kryeministër.
BISEDA
Dritan Zagani i dërgon artikullin: Po ta nis këtu që ta ruash, se ata italianët për 1 javë do e heqin nga rrjeti gratis e pastaj duhet të harxhosh lekë për ta parë. Meqë ti je dhe nikoQir i madh, ta dërgova gratis, ta kesh. Kjo është seria e parë, shpejt do të dërgoj edhe të dytën. Eh se desh harrova: të fala ke nga ai miku ynë i Bild. Këto ditë do dalim me atë që të kemi premtuar. Pushime të mbara lartmadhëria juaj.
Edi Rama: Ore veshgjatë, që s’ve as emrin. Ik e mos e përdor më këtë numër, se për zagarë si ti e si ata që jetojnë nëpër puesta, rroj njëmijë vjet unë.
Dritan Zagani: Po po, rron se askush s’po të kërcënon o lartmadhëri. Unë thjesht të dërgova serinë e radhës të Narkotika.
