Shkrimtari i madh shqiptar Ismail Kadare ka fituar Çmimin Ndërkombëtar Letrar “Neustadt” për vitin 2020.
Ky çmim konsiderohet si “Nobeli Amerikan” dhe Kadare është përzgjedhur fitues mes 9 shkrimtarëve të tjerë që konkuronin në garë.
Çmimi ka një vlerë prej 50.000 dollarë dhe akordohet nga “World Literature Today”, e cila është revista e Universitetit të Oklahomas për letërsinë dhe kulturën ndërkombëtare.
Çmimi “Neustadt” është i pari çmim ndërkombëtar për letërsinë i kësaj kategorie, që e ka origjinën në Shtetet e Bashkuara dhe është një nga të paktët çmime ndërkombëtare, për të cilat kanë të drejtë të konkurrojnë njëkohësisht poetë, romancierë, skenaristë dhe dramaturgë.
