Duke shfrytëzuar kaosin e ofensivës turke në Siri, ISIS ka marrë nën kontroll kampin Al-Hawl, ku ndodhet 11-vjeçari, Alvin Berisha dhe qindra shqiptarë të tjerë, që po mbahet të izoluar atje.
Mësohet se shumica e forcave kurde që po ruanin dy kampet, ku gjenden rreth 70 mijë gra dhe fëmijë të luftëtarëve xhihadistë, janë tërhequr pas ofensivës turke, duke e lënë vendin në duar të ISIS.
Ata pak roje që kishin mbetur janë sulmuar nga terroristët e ISIS dhe janë detyruar të braktisin kampin.
Një zyrtar i lartë amerikan deklaroi se më shumë se 100 xhihadistë kanë mundur të shpëtojnë nga kampet në Siri.
