Pas ekstradimit të Izet Haxhisë nga Turqia, Krimet e Rënda do të nisin shqyrtimin e dosjes “Hajdari”.
Mbi Haxhinë, i cili dyshohet se ka marrë pjesë në vrasjen e ish-deputetit demokrat Azem Hajdari rëndojnë tre akuza.
Ditën e sotme është hedhur shorti dhe janë përzgjedhur gjyqtarët për cështjen.
Ata mësohet se janë: Klodian Kurushi, Fran Prendi dhe Marsela Balili. Krimet e Rënda do të shqyrtojnë dosjen pas moskompetencës së shpallur më herët nga Gjykata Penale.
Kujtojmë se Izet Haxhia akuzohet për “Vrasje në rrethana të tjera cilësuese”, e kryer në bashkëpunim, “Vrasje me paramendim”, e kryer në bashkëpunim, “Vrasje me paramendim”, e mbetur në tentativë.
