Alina Boz, aktorja e njohur turke për rolin e Hazall në serialin “Fate të kryqëzuara”, është një ndër aktoret e reja më të komentuara momentalisht në Turqi. Shpeshherë, Alina e ka gjetur veten edhe në lajmet rozë për lidhjen e saj me Mithat Can Ozer, me të cilin aktorja ka një diferencë relativisht të madhe në moshë, 17 vjet.
Fillimisht, mediat e komentuan diferencën e moshës si një arsye për t’u ndarë shpejt, por në të vërtetë, çifti janë në prag të martesës.
Diferenca e moshës nuk ka ndikuar aspak tek çifti i njohur, madje mësohet se ata shumë shpejt do të shkojnë drejt altarit. Ndonëse nuk kanë publikuar ende një datë për martesën e tyre, Alina ka deklaruar se sapo ta vendosin, do ta ndajnë me të gjithë.
