Habit Gent Cakaj: Negociatat nuk u hapën për shkak të problemeve të vendeve anëtare

Ministri në Detyrë i Punëve të Jashtme, Gent Cakaj është shprehur mbrëmjen e sotme se mos hapja e negociatave për Shqipërinë dhe Maqedoninë nuk ka lidhje me këto dy vende.

I ftuar në emisionin “Tempora”, Cakaj tha se vendimi ka lidhje me problemet e brendshme që kanë vendet anëtarë për të ardhmen e Evropës.

“Negociatat nuk u hapën për dy arsye, e para sepse realisht vendimi i Këshillit Evropian nuk kishte të bënte me Shqipërinë dhe Maqedoninë e Veriut, por me kundërthëniet e brendshme që ekziston brenda vendeve anëtare për të ardhmen e Evropës. E dyta sepse të dy vendet kanë plotësuar kushtet dhe si rrjedhojë nuk u mor vendimi për asnjërën”, u shpreh Cakaj.