LIGJET E BIZNESIT
Seanca sotme parlamentare është hapur me fjalën e deputetit Kujtim Gjuzi.
Gjuzi i ka kërkuar kreut të Kuvendit Gramoz Ruçi të mos pengonte fjalën e lirë të deputetëve dhe ti jepte mundësinë për replikë sa herë që ta kërkonin këtë.
Duke marrë shkas dhe nga seanca e fundit ku pati replika pa fund mes Gjuzit dhe kryeministrit Rama, Ruçi e ka refuzuar kërkësen e Gjuzit për t’ju kundërpërgjigjur kreut të qeverisë.
“Duhet te na japësh mundësi për replikë se unë të bëj mocion për shkarkim. Kujdes zoti kryetar”, iu drejtua Gjuzi, kreut të Kuvendit. “Ke 28 mandate këtu dhe e mban vendin aty, prandaj here tjetër kushdo qe te jete nese kemi një replike duhet te na lejosh”, u shpreh kreu i Partisë Konservatore.
Por nga ana tjetër pas këtij kërcënimi dhe Ruçi nuk ka ngurruar t’i përgjigjet me të njëjtën monedhë.
Kryeparlamentari i ka tërhequr vëmendjen Gjuzit që të ketë kujdes dhe të flasë me etikë në Parlament, madje i ka kërkuar dhe që të vishet mirë herës tjetër.
“Kujdes zoti Gjuzi dhe here tjetër kur te flasësh respekto rregulloren dhe te flasësh me etike dhe e treta here tjetër ne Parlament te jesh i veshur sipas Rregullores”, tha kryeparlamentari.
Kujtim Gjuzi është paraqitur në seancën e sotme plenare me xhinse, këpucë me majë dhe me një xhup sportiv, dhe kjo veshje duket se nuk i ka pëlqyer Gramoz Ruçit.
