Futbollisti shqiptar bëhet baba për herë të parë

Granit Xhaka është bërë sot baba për herë të parë. Bashkëshortja e tij, Leonita ka sjellë në jetë një vajzë. Graniti ka ndarë në Instagram disa fjalë ku shpreh mirëseardhjen për të bijën. Ai ka postuar një foto ku duken vetëm duart e tij dhe Leonitës, si dhe ajo e vogëlushes së porsalindur.

Mirëseerdhe princeshë e vogël! Mami dhe babi të duan shumë”, -ka shkruar ai përkrah fotos.

Shumë i lumtur është edhe xhaxha Taulanti, i cili ka postuar të njëjtën foto si i vëllai, duke e shoqëruar me disa fjalë zemre.

“Sot është një ditë e veçantë për mua… plot me gëzim e lumturi, që u bëra për herë të parë xhaxha! Jam krenar për ty vëlla dhe jam i bindur që do të bëhesh një prind i mrekullueshëm dhe një prind që do t’i japësh shumë dashuri princeshës së vogël. Ndërsa për Leonitën: Për mua je jo veç nusja e vllait, por edhe motra ime edhe do te kesh gjithmonë mbështetjen tonë! Xhaxha Taulanti do të jetë gjithmonë këtu për ty princesha e vogël” –ka shkruar Taulanti.