Gjatë seancës së sotme parlamentare ka folur edhe ministrja e Shtetit për Marrëdhëniet me Parlamentin Elisa Spiropali.
Nga foltorja e Kuvendit ministrja ka kërkuar bashkëpunimin e të gjitha partive politike për të arritur reformat, në rastin konkret atë të sistemit zgjedhor.
Ndër të tjera Spiropali ka cituar edhe Gjergj Fishtën duke iu referuar opozitës jashtë parlamentit.
“Është e paimagjinueshme që ka shqiptarë që refuzojnë të bashkëpunojnë.
Ka ardhur koha që të ndryshojë kjo marrëdhënie që kemi me interesin tonë kombëtar. Konkretisht është koha të bëjmë disa nga detyrat e shtëpisë siç është refoma në sistemin zgjedhor.
E kemi një opozitë jashtë që reflekton më së mirë atë që thonte Gjergj Fishta “si i don armiku, janë shqiptarët”, tha ministrja.
