LIGJET E BIZNESIT
Ditën e djeshme, deputetja Majlinda Halilaj, e cila zëvendësoi Lulzim Bashën në rradhët e Partisë Demokratike pas djegies së mandatit, i ka befasuar të gjithë me fjalimin e saj qesharak nga foltorja e Kuvendit.
Pasi nuk dinte të lexonte as atë që kishte shkruar, duke bërë gabime trashanike në të lexuar, ajo tërhoqi vëmendjen e të gjithëve dhe fjalët e saj po bëjnë xhiron e rrjetit që nga dita e djeshme.
Një prej personave që ka reaguar është dhe pedagogia e Fakultetit të Histori-Filologjisë në Universitetin e Tiranës Elsa Skënderi.
Me anë të një reagimi me humor në rrjetet sociale, Skënderi vetëofrohet për t’i bërë kurs shqipe deputetes dhe cilitdo parlamentar që ka mungesa me lidhjen e shkronjave, rrokjeve dhe intonacionin e fjalëve në fjali.
“Vetofrohem për t’u bërë një kurs gjuhe me librin e Gjuhës shqipe për klasën e dytë kësaj deputetes së re dhe kujtdo në Parlament, që ka probleme serioze me lidhjen e shkronjave dhe rrokjeve si dhe me intonacionin e fjalive! Kursi do të ketë një tarifë minimale, sa për të mbuluar shpenzimet operative”, shkruan pedagogia me nota satirike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
