“E vrava se më tradhtonte motrën”, shqiptari ekzekuton kunatin në Itali

Një sherr mes dy familjesh të afërta emigrantësh në Itali, ka pasur një fubnd tragjik. Luan Zalta 50 vjeç ka vrarë me armë zjarri kunatin e tij, Shpendi Allushin.

Ngjarja ka ndodhur në provincën e Nettunos, në Romë, dje, gjatë ditës së diel. Autori i krimit, Zalta është vëllai i bashkëshortes së Allushit. Viktima Shpendi Allushi jetonte në Caserta të Napolit, por kishte shkuar për vizitë në Romë tek motra.

Allushi dhe Zalta fillimisht janë konfliktuar me njëri-tjetrin fizikisht, ndërsa më pas ka ndodhur edhe tragjedia. Zalta ka qëlluar me pushkë kunatin Allushi, ndërsa një plumb viktima e mori në fytyrë, ç’ka shkaktoi vdekjen e menjëhershme të tij. Sapo ka parë kunatin e vdekur, Zalta ka marrë policinë në telefon dhe është vetë-dorëzuar pranë autoriteteve.

Në dëshminë e tij për policinë italiane, Luan Zalta ka deklaruar se e ka ekzekutuar kunatin Allushi, pasi ky i fundit i tradhtonte motrën. “E kam qëlluar, sepse më tradhtonte motrën”, ka thënë ai. Zalta e Allushi prej kohësh kishin pasur raporte të tensionuara.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern