Një ngjarje e rëndë ka ndodhur këtë të enjte në Pakistan, ku si pasojë e shpërthimit të disa bombolave të gazit brenda në tren, kanë ndërruar jetë 74 persona. Treni udhëtonte qyteti i Karaçi për në Raualpindi.
Ministri për Hekurudha Sheik Rashid Ahmed tha se zjarri ishte shkaktuar nga shpërthimi i një bombole gazi, që përdorej nga pasagjerët për të gatuar ushqimin e mëngjesit. Zjarri mendohet se është përhapur në të paktën 3 vagonë, shkruajnë mediat ndërkombëtare.
Numri i viktimave mund të rritet, për shkak se shumë të plagosur janë në gjendje të rëndë për jetën. Shumë pasagjerë ishin nisur për të festuar një festë fetare myslimane.
