E rëndë/ Me të vjella dhe marrje mendsh, shtrohen në spital 19 nxënës

Ditën e djeshme 19 nxënës të një shkolle në Postribë të Shkodrës mësohet se janë paraqitur në spital me shenja helmimi.

Mjekët kanë deklaruar se nxënësit janë paraqitur me simptoma marrje mendsh dhe të vjella.

Nga të dhënat e para raportohet se nxënësit janë të moshës 10-12 vjec dhe janë helmuar nga uji i pijshëm dhe ushqimi.

Prindërit dyshojnë se fëmijët e tyre janë helmuar konkretisht nga ushqimi dhe uji i një “fast food-i”, i cili ndodhet shumë pranë ambienteve të shkollës.

Pasi mbaruan mësimin nxënësit kanë shfaqur probleme shëndetësore, si të vjella dhe shqetësime të tjera dhe janë dërguar në spital.

Bluzat e bardha theksojnë se 15 nxënës pasi kanë marrë mjekim janë larguar menjëherë drejt shtëpive, ndërsa katër prej tyre vijojnë të mbahen në mbikëqyrjen e mjekëve.

AKU dhe ISHSH-ja po hetojnë  për zbardhjen e shkaqeve .