E rëndë/ I riu nga Durrësi mbyll në dhomë babain e verbër dhe tenton ta vrasë, motra njofton policinë

Një krim i rëndë brenda familjes është parandaluar mesditën e sotme në fshatin Rrashbull të Durrësit.

Mësohet se një 35-vjeçar është arrestuar nga uniformat blu pasi akuzohet se ka mbyllur babain e verbër në një nga dhomat e banesës dhe e ka kërcënuar me thikë e levë hekuri se do ta vrasë duke e goditur atë.

Ka qenë e motra e 35-vjeçarit ajo që ka njoftuar policinë duke thënë se një ngjarje e rëndë po ndodhte në familje.

Pas telefonatës, policia ka ndërhyrë duke neutralizuar autorin i cili ka tentuar të qëllojë përsëri të atin me thikë për ta vrarë.

Shërbimet e Policisë kanë shkuar menjëherë në adresën e dhënë ku kanë konstatuar se shtetasi S.Z. (pretendohet me probleme të shëndetit mendor) kishte mbyllur në një prej dhomave të banesës të atin e tij (të verbër) duke e kërcënuar me levë hekuri e thikë për ta vrarë.

Policia ka negociuar më shtetasin S.Z që të lironte të atin, por ai nuk i është bindur Policisë dhe ka qëlluar me levë të atin.

Policia ka ndërhyrë duke neutralizuar autorin i cili ka tentuar të qëllojë përsëri të atin me thikë për ta vrarë.

Nga ana e uniformave blu të dëmtuarit, shtetasit S.Z., 66 vjeç, iu dha ndihma e parë duke e dërguar në ambientet e Spitalit Rajonal Durrës për kontroll më të specializuar i cili ndodhet jashtë rrezikut për jetën.

Autori, shtetasi S.Z., 35 vjeç është person me precedentë penal të mëparshëm i dënuar për ” Dhunë në familje”.