E rëndë/ Gjendet trupi i pajetë i një 35 vjeçari në lumë

Një ngjarje e rëndë ka ndodhur ditën e sotme në Fier, ku është gjetur trupi i dekompozuar i një 35-vjeçari.

Policia bën me dije se trupi i viktimës, ende i paidentifikuar është gjetur në lumin Vjosë, në afërsi të fshatit Hambar.

NJOFTIMI ZYRTAR I POLICISE

Fier/Informacion paraprak

Sot rreth orës 13:40, në lumin Vjosë, në afërsi të fshatit Hambar, është gjetur i mbytur dhe i dekompozuar një shtetas i seksit mashkull ende i paidentifikuar, rreth 35 vjeç.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga kqyrja paraprake nuk dallohen shënja dhune apo dëmtime të tjera.

Në momentin që është konstatuar, viktima ka pasur veshur një bluzë të bardhë,  çizme të gjata, xhinse vishnje dhe ka një tatuazh ne krahë në formë “thike”.

Personat e interesuar të paraqiten në morgun e spitalit Fier

Në vendngjarje ka shkuar grupi hetimor dhe po punon për identifikimin e personit të mbytur  dhe zbardhjen e rrethanave të ngjarjes.