Detaje tronditëse vijojnë të dalin nga vrasja e Eri Zefit në fshatin Zallë Xhuxhë të Mirditës.
Ngjarja e rëndë ndodhi më 2 tetor, ku viktima Eri Zefi, 34-vjeç, u gjet i pajetë nga banorët e zonës.
Mësohet se ka qenë shoku i ngushtë ai që e ka nxjerrë në pritë Zefin për tu vrarë nga autorët.
Sipas hetimeve Mikel (Gjovalin) Alia, shoku i ngushtë i viktimës, ka luajtur rol të rëndësishëm në eleminimin e tij, dhe për këtë shkak policia e ka shpallur në kërkim.
Dyshohet se ky i fundit ka nxjerrë në pritë Zefin natën që ndodhi ngjarja.
34-vjeçari i ruhej hakmarrjes që prej shkurtit të vitit 2019, ku vëllai i tij Ndue Zefit vrau fqinjin e tij 45-vjeçarin Martin Ndreca vrau për motive të dobëta në Durrës.
Gjithashtu dyshohet se Alia ka pranuar një shumë të konsiderueshme parash nga autorët dhe ka shitur shokun e tij, duke e nxjerrë nga shtëpia, pasi ky i fundit qendronte i ngujuar në banesë nga frika e gjakmarrjes.
Alia ka komunikuar në telefon me Eri Zefin, duke i kërkuar të bashkëpunojnë për të vjedhur në mesnatë një sasi të kunsiderueshme hashashi në një territor malor, që ndodhet në fshatin Zallë Xhuxhë të Mirditës.
Eri Zefi, ka pranuar ofertën e shokut të tij të fëmijërisë të cilit i besonte verbërisht, dhe janë nisur së bashku të dy me makinë në vendin ku ishte caktuar për tu bërë vrasja.
Ata kanë udhëtuar në mesnatë në autostradën Durrës-Kukës, dhe sapo kanë mbërritur në fshatin Zalë Xhuxhë, kanë dalë nga rruga duke hyrë rreth 50 metra në një teren malor, ku Mikel Alia, i kishte thënë se aty do vidhnin drogën.
Mirëpo, ai vend ishte caktuar nga autorët për të ekzekutuar njeherë e mirë Eri Zefin. Sapo Alia dhe Zefi kanë dalë nga makina dhe ndodheshin, mes disa shkurreve janë shfaqur dy persona ende të paidentifikuar duke ushtruar dhunë barbare ndaj Zefit.
Më pas ata e kanë qëlluar me plot 6 plumba, katër në kokë dhe dy në gjoks duke e lënë të vdekur në vend 34-vjeçarin. Më pas dy autorët së bashku me bashkëpunëtorin e tyre, mikun e Zefit janë larguar mes errësirës.
Trupi i pajetë i Zefit u gjet më pas nga banorët e zonës i mbuluar në gjak, të cilët kanë njoftuar policinë.
Aktualisht policia ka shpallur në kërkim, Alian. Ndërsa dy personat që qëlluan me armë Zefin, dyshohet se janë larguar në drejtim të Kosovës.
